شعر زیبای " آنا یوردوم کیوی "سروده گودرز حاتمی

گودرز حاتمی؛ شاعر و نویسنده اهل و ساکن شهر گیوی شعری را در وصف شهر کیوی با عنوان "آنا یوردوم کیوی" سروده است.

به گزارش سبلانه به نقل از کیویمیز، گودرزحاتمی در شعر خود آورده است:

«آنايوردوم كيوي»
آنايوردوم، گوزل وطنيم كيوي
داغلار اته گينده گلشنيم كيوي
داغلاروندا واردي سرين چشمه لر
صونالار سويوندان ايچنيم كيوي
سنون چايلاروندا بولاقلارون وار
مرد اوغولار نازلي اوشاقلارون وار
ياي - ياز فصلي گوزل قوناقلارون وار
هرنظردن راحات مأمنيم كيوي
اوتايدا ايستي سو بوتايدا بوزلوق
دره لرده گوزه لرون يارپوزلوق
بستانلارون بوتون خيرچاقارپوزلوق
سينه لري سنبل سوزه نيم كيوي

سلميستانين ياز فصلينده كاواري
داش بولاغين مرزه سيله سولاري
بيچين وقتي دوغراماسي ناهاري
بركتدن دولي مخزنيم كيوي
دويرونده داغلارون واردي ويقارلي
داغلار اوسته يايلاقلارون نيگارلي
قويون-قوزي اوتلار اولار زومارلي
ائللر بهره سيندن يييه نيم كيوي
صول سينه ون قوملي گول ساغون سلميستان
چايلاروندا دئيب بيربيره بستان
سندن آيريليبدي لمبر- كليستان
خلخالا بيرقارداش مسكنيم كيوي
بوتون ائل لر هيوا محصولون يير
آلاها شوكر ايدوب چوخ به به ديير
تعريفوي گورنلرده سويلي ير
محصولي هريانا گده نيم كيوي
باهار فصلي گول آچاندا باغلارون
گورمه ليدور يايلا قلارون داغلارون
قاينار جوشار گينه اول بولاغلارون
هامي آرزيسيني چكه نيم كيوي
دامنونده مرداوغولار بسله دون
ظولمون علیهینه حقّی سسلدون
ظاليملرين الين كسه نيم كيوي
نامردلري دالا قويوب پسله دون
ادب ساحه سنده آدلي سانلي سان
وطنه خدمتده خوش نشانلي سان
انسانلاربجردوب قهرمانلي سان
انسانليق شعارين ديينيم كيوي
شاعيراوغلون »حاتمي« شعرين يازدي
تعريفونده هرنه سويله سه آزدي
هرزمان اوني چون باهاردي يازدي
هر بير چولون طلا معدنيم كيوي

 

انتهای خبر/