جنت لر ویریلیب منیم آدیما
قیامت ده زهرا چاتار دادیما
حجابلی لار گولی سالیر یادیما
بیزه زهرا اولماق باجیم یاراشیر
غرب بیزی آزدیرماغا چالیشیر

مینلر دردیم اولا گینه سیخانمز
آللاه لانام کیمسه منی ییخانمز
قورآنین سوزوندن هءچ کیم چیخانمز
بو اورتوگوم سفارش دی آللاهدان
امر اولوبدی ساخلیا گوناهلاردان

باشیمداکی چادرا اسلام بایداغی
اوزی بیر سلاح دیر یاشماق دایاغی
بیزلره فخر ایلیر ایران توپراغی
زهرا عصمتلی ام چادرام سنگریم
زینب غیرتلی ام سوزوم خنجریم

حجاب بیزه شرافتین یوواسی
اوندان آلمیشام امنیت هاواسی
کونول یاراسینا اولوب دواسی
طبیعت ده گوزل لیک لر بورونر
اوزون قورومیان انسان سورونر

دشمن باشلاییب تهاجم تاراجی
چوخ فتنه لر تیشه ویریر آغاجی
حیالی اولماق دیر بونون علاجی
اونلار وءرن وعده وعید تالان دی
سنه منه فقط حجاب قالان دی

باشونداکی چادرانی حرم حاخلا
مدافع حرم سن حجاب ساخلا
مکر شیاطینی شرفله اوخلا
حجاب وءریب خانیملارا اعتبار
آنا اولماق بیزه بویوک افتخار

پری آخته(نرگس)

انتهای پیام/